بطاقات الائتمان | الديبيت والكريديت


Debit Card: بطاقة الدَّين (البطاقة المدينة)

لو قلنا مثلا إنّك عامل حساب في البنك فيه 5000 جنيه، البطاقة دي معناها وصول سريع للـ 5000 جنيه دي فقط، ممكن تسحب من الصرّاف الآلي (ATM)، ولو حتسحب من نفس ماكينة البنك بتاعك في نفس البلد اللي أنت فيها مفيش أي عمولات بيتم خصمها من حسابك. ولو سحبت من ماكينات أخرى بيتم سحب مبلغ ثابت أو نسبة مئوية (اسأل في البنك عشان تعرف كام بالضبط).

في نوع آخر من البطاقات اسمه Credit Card (بطاقة الائتمان) ودي مفهومها بيبقى مختلف شوية، بالعربي بطاقة ائتمان برضه لكنّي أفضّل الترجمة “بطاقة الخصم” لأنّها الأقرب للمعنى الصحيح، دي معناها إيه؟

حنقول هو نفس الحساب فيه 5000 جنيه، وعايزين نعمل عليه بطاقة خصم، حنلاقي كذا نوع لكن أشهرها (فيزا كارد، ماستر كارد)، وفكرتها الأصلية معمولة عشان الناس تشتري بالتقسيط، فمثلا في حالة الحساب اللي فيه 5000 جنيه عندنا احتمالين:

الأول إنك بتشتغل وفي مبلغ بيدخل لك شهريًا على البنك، حفترض إنه 3000 جنيه، فبتقرر إن الأسهل لك تشتري الحاجة بالتقسيط دائمًا والبنك بيخصم لك جزء من المشتريات اللي بتشتريها بالكرت. مثلا: اشتريت موبايل بـ 7000 جنيه (وحسابي في البنك ما زال 5000 وكل شهر بيزيد 3000 أوتوماتيك)، اللي بيحصل إن كل يوم 25 في الشهر البنك حيخصم مثلا 5% من المبلغ (تختلف حسب البنك)، يعني 350 جنيه في الشهر، زائد نسبة بياخدها على المبلغ الأصلي للموبايل (فوائد يحددها البنك غالبا 2%)، في كل الأحوال أنت كموظف مش حتحس بالمبلغ الصغير المخصوم شهريا وحتعيش حياتك تبتاع ما ترغب مع دفع ثمنها بالقسط للبنك.

ودا الغرض من الكريديت كاردز أو بطاقات الخصم أصلا.

.

الاحتمال الثاني: أنا مثلا مش بشتغل دلوقت، وعندي الـ 5000 جنيه في البنك ومعايا الكريديت كارد وعايزة أشتري بيها حاجة، بس مش عايزة البنك يخصم لي كل شهر مبلغ + النسبة اللي بياخدها. الحل إيه؟

الحل حاجة من اتنين: ببساطة إنك تطلب من خدمة العملاء تخلي لك الخصم 100%، يعني أنا دلوقت لما أشتري حاجة بـ 300 جنيه يخصم الـ 300 جنيه وعمولته عليهم وشكرًا، حيبقى أقصى حد للشراء هو الـ 5000 جنيه أو أقل قليلًا لأن الباقي يكون كمبلغ تأمين للبنك..

إيه فترة السماح دي بقى؟

دي الفترة اللي لازم تسدد فيها المبلغ لو مفيش عندك فلوس في حسابك في البنك. عشان نسبة الفوائد بتزيد عليك وحتفضل تدفع في مبالغ صغيرة متراكمة لأن البنوك تستخدم الفائدة المركّبة في تسديد مشتروات البطاقات الائتمانية.

.

 معظم البنوك تقوم بعمل حد أدنى للبطاقة الائتمانية وحدّ أعلى للشراء (يعتمد على الحساب والمبلغ الموجود به والسيولة المتدفقة عليه وجهتها)  وذلك كضمان للبنك لعدم التهرب من الدفع.

.

في النهاية؛ كلا البطاقتين، سواء بطاقة الخصم أو بطاقة الدين يمكن استخدامها للشراء من الانترنت. لا بد من الاتصال بالبنك لتفعيل البطاقة قبل أول استخدام، وقد يتصل بك البنك بعد أي استخدام لاحق للتأكد أنّك الذي قمت باستخدامها (إجراء روتيني للحماية).

في جمهورية مصر العربية لا يمكن استخدام بطاقات الائتمان Debit Cards للشراء الالكتروني، يجب استخدام بطاقات الخصم Credit Cards أو البطاقات مسبقة الدفع Pre-Paid Cards والتي قامت البنوك بتدشينها مؤخرًا خصيصًا للشراء والدفع الكترونيًا بدون وجود حساب شخصي في البنك أصلا.

Share your thoughts with me!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s